Hjá MorMor er gula húsið, Undir Heygnum á Tvøroyri, við lítlari seymistovu, café og kømurum til gisting!
Húsini eru frá 1890, og flestu tvøráfólk kenna tey sum húsini hjá MorMor - Laurinu Voksnæs Hansen - sum var úr Skagen og giftist hagar.
Café’in er opin uml. 3 dagar um vikuna frá mai - september. Um veturin hava vit eisini eitt sindur caféopið og tónleika- og onnur mentanartiltøk við hvørt. Hesum lýsa vit við á Facebook.
Finn okkum á facebookHjá MorMor leggja vit okkum eftir at borðreiða við heimagjørdum mati úr góðari rávøru.
Hagartil hava vit havt caféopið í dagtímunum, men nú fara við at leggja okkum eftir at hava opið seinnapart/kvøld við fokus á eina heita máltíð, tað verið seg suppa ella annað mettandi. Eisini verður møguleiki at keypa sær okkurt søtt og heitar og kaldar drykkir.
Hjá MorMor trýnur man inn í lítla seymistovu. Her brúki eg – Anna Mortensen – nógva tíð um veturin at sniðgeva og framleiða pútur, planchur, niðurdeilar o.a. úr endurnýttum tilfari.
Produktini kunnu keypast í café’ini.
Verið vælkomin at gista Hjá MorMor.
Hjá MorMor er gula húsið, Undir Heygnum á Tvøroyri, við lítlari seymistovu, café og trimum kømurum til gisting!
Niðanfyri húsini hava vit eitt anneks við dupultkamari, baðirúmi og vakstrarhússtovu við góðum útsýni yvir fjørð og fjøll!
Á loftinum hjá MorMor eru tvey dupultkømur við felags baðirúmi (í stovuhædd). Húsini eru frá 1890, so vert er at leggja merki til trappuna upp á loft (sí myndir).
Morgunmaturin verður borðreiddur á caféíni – eitt nú heimabakað breyð, frísktpressað juice við góðum tilhoyri.
Vit vilja fegin hava gestir at yvirnátta, í minsta lagi, tvær nætur.
Prísur fyri tvær nætur í dupultkamari í anneksinum, v/morgunmati, er 2500 kr.
Prísur fyri tvær nætur í dupultkamari Hjá MorMor, v/morgunmati, er 1900 kr.
Áhugað kunnu senda teldupost til cafe@mormor.fo ella ringja 287810